சந்தோஷத்துலயே பெரிய சந்தோஷம்.,
அடுத்தவங்கள சந்தோஷப்படுத்தி பார்க்கிறது தான்..!

06 May 2014

தொழில் ரகசியம்..


ஒரு தொழில் ரகசியம் சொல்லட்டா..

எங்களுக்கு வெங்காய கலர் சேலைக்கு
ஆர்டர் வந்தா பிங்க், சிகப்பு, பீட்ரூட்,
மெரூன், ரோஸ்னு எந்த கலர் கையில
ஸ்டாக் இருக்கோ அதை போட்டுடுவோம்..

ஏன்னா வெங்காய கலர்னு எக்ஸாக்டா
ஒரு கலர் கிடையாது..

ஒருவேளை கடைக்காரங்க கேட்டா..

" நீங்க வேணா ஒரு வெங்காயத்தை
பக்கத்துல வெச்சி பாருங்க.. அந்த
கலர் தான் இதுன்னு " சொல்லி
சமாளிப்போம்...

ஒரு தடவை அப்படித்தான் எங்க
கடை பையன் வந்து கேட்டான்...

" அண்ணே.. அந்த திருச்சி கடைக்காரரு
வெங்காய சருகு கலர்ல 20 சேலை
கேட்டாரே... அந்த கலர் இல்லைண்ணே. "

" இல்லன்னா என்னடா ஸ்டாக் இருக்கற
கலரை பேக் பண்ணி அனுப்பு... "

" சரிண்ணேன்னு " போயிட்டான்...

அப்புறம் ரெண்டு நாள் கழிச்சி
அந்த திருச்சி கடைக்காரரு போன்
பண்ணினாரு...

" வெங்காய சருகு கலர் அனுப்ப சொன்னா..
நீ என்ன அனுப்பி இருக்க..?!! "

" அண்ணே.. அது வெங்காய சருகு தான்..
நீங்க வேணா ஒரு வெங்காயத்தை....

" யோவ்.. எந்த ஊர்லயா வெங்காயம்.,
கிளிபச்சை கலர்ல இருக்கு..? "

( அடப்பாவி... கிளிப்பச்சை கலராடா
போட்ட..?!! சொல்லவேயில்ல..
சரி சமாளிப்போம்....!! )

" ஹி., ஹி., அண்ணே.. உங்களுக்கு
விஷயமே தெரியாதா.. அமெரிக்காவுல
எல்லாம்............. "

" அடேய்ய்ய்ய்ய்ய்......!!! கலர் கலரா ரீல்
சுத்தறதுனு கேள்விப்பட்டு இருக்கேன்..
இதானா அது...?!! "

" ஹி., ஹி., ஹி...!!! "
.
.

2 Comments:

”தளிர் சுரேஷ்” said...

ஹாஹாஹா! நல்லாவே சமாளிக்கீறீங்க!

ABUBAKKAR K M said...

வணக்கம் .
வாய்விட்டு சிரிக்கணும் என்பார்களே , அதைத்தான் செய்தேன்.
மிக்க மகிழ்ச்சி.
<> கே.எம்.அபுபக்கர்
கல்லிடைக்குறிச்சி
06 05 2014