சந்தோஷத்துலயே பெரிய சந்தோஷம்.,
அடுத்தவங்கள சந்தோஷப்படுத்தி பார்க்கிறது தான்..!

16 July 2013

டீல் ஈஸ் எ டீல்..!!


( சந்தீப் சாரிடம் லீவ் கேக்கும் ரோஹித் சர்மா..! )

நேத்து BCCI சேர்மேன் சந்தீப் பட்டீல்கிட்ட
இருந்து எனக்கு போன்...

" வெங்கட்... நான் ஒண்ணு கேப்பேன்..
நீ மறுக்க கூடாது.. "

" சார்.. நானே ஒரே ஒரு ப்ளேட்
சிக்கன் பிரியாணி தான் வாங்கிட்டு.... "

" சே., சே.. அதில்ல.. "

" ஹப்பாடா.. அப்ப எதுனா கேளுங்க சார்.. "

" நம்ம டீம்க்கு அடுத்த டூர்ல உன்னை
கேப்டனா போடலாம்னு இருக்கோம்.. '

" Under 19 டீம்கா சார்..? "

" இல்ல... சீனியர் டீம்க்கு..! "

" ஏன் சார்.. திடீர்னு... டோனியே நான்
சொல்லி குடுத்த மாதிரி நல்லாத்தானே
ஆடிட்டு இருக்காரு..! "

" அவருக்கு கொஞ்ச நாள் ரெஸ்ட் வேணுமாம்.. "

" அப்ப இந்த கோழிப்பய இருப்பானே..! "

" கோழி இல்லப்பா... கோலி...! "

" ஆமா நீங்க என்ன எனக்கு தமிழ் இலக்கண
கிளாஸா நடத்திட்டு இருக்கீங்க.. மேட்டர்க்கு
வாங்க சார்..! "

" டோனி, கோலி, ரெய்னா, ஜடேஜா, தவான்.,
ரோஹித், கார்த்திக், விஜய் இப்படி டாப் ப்ளேயர்ஸ்
எல்லாம் ரெஸ்ட் கேக்கறாங்க.. "

" ஆச்சரியமா இருக்கே..! "

" இதுல என்ன ஆச்சரியம்..? "

" இல்ல விஜய்யை எல்லாம் டாப் ப்ளேயர்ஸ்
லிஸ்ட்ல சேர்த்து இருக்கீங்களே.. அதான்.. "

" அதை விடு... நீ கேப்டனா பொறுப்பை
ஏத்துக்கறீயா...? "

" டன்.. ஆனா ஒரு கண்டீசன்..! "

" என்ன..? "

" என் பையனுக்கு Homework நீங்க செஞ்சி
தர்றீங்களா..? "

டொக்..
.
.

08 July 2013

கஷ்டமர் கேர்...



புதுசா ஏர்செல் சிம் ஒண்ணு வாங்கினேன்..

வாங்கினதுல இருந்து 
" காலர் டியூன் ஆக்டிவேட் பண்றீங்களா..?., 
திரிஷா கூட டான்ஸ் ஆடறீங்களா.?, 
நமீதா கூட  டிபன் சாப்பிடறீங்களான்னு..? " 
ஒரே மெசேஜும்., காலுமா வந்துட்டே இருக்கு... 

கடுப்பாகி கஸ்டமர் கேர்க்கு போனை 
போட்டேன்...

ஏழு அழுத்து,  நாலு அழுத்து, எட்டு 
அழுத்துன்னு சொல்லிட்டே இருந்துச்சா.. 
நானும் அழுத்திட்டே இருந்தனா.. 

கடைசில ஜிம்பாப்வேக்கு லைன் போயிடுச்சி... 
எனக்கு ஆச்சரியமா இருந்தது.. 

(பின்ன நாலு ரூபா பேலன்ஸ்ல 
ஜிம்பாப்வேக்கு எல்லாமா லைன் போறது..?!!! )

மறுபடியும் 4 தடவை ட்ரை பண்ணினேன்..

அப்பாடா.. அஞ்சாவது தடவை கரெக்டா 
லைன் போச்சு...

அதை அட்டெண்ட் பண்ணினது " ரம்யா.. "
( ஹி., ஹி., ஹி.. நான் கேக்கலை
அவங்களே சொன்னாங்க.. )

விஷயத்தை சொன்னேன்...

" உங்களுக்கு ஒரு நம்பர் தர்றேன்
அதை கால் பண்ணி ' Do Not Disturb "-ல
ரிஜிஸ்டர் பண்ணுங்க சார்.. "

" அதெதுக்கு நான் பண்ணனும்..? "

" நீங்க தானே சார் டிஸ்டர்பென்ஸா
இருக்குன்னு சொன்னீங்க..! "

" ஆமா.. இருந்தாலும்........ "

" என்ன சார் யோசிக்கிறீங்க..? "

" இல்ல நான் எப்ப ' என்னை டிஸ்டர்ப்
பண்ணுங்க ' -னு உங்க கம்பெனிக்கு
எழுதி குடுத்தேன்னு யோசிக்கிறேன்..! "

" ஹா., ஹா., ஹா.. அதெல்லாம் கம்பெனி
புரோசிஜர் சார்..! "

" என்னமோ போங்க..... "

" வேற எதாவது தகவல் தெரிஞ்சிக்கணுங்களா..? "

" ஆமா.. "

" கேளுங்க சார்..! "

" ஆமா ரம்யா.. உங்க போன் நம்பர் என்ன..? "

" 121.. சார்.. அதுக்குள்ள மறந்துட்டீங்களா..? " 

( பார்ரா... இவங்க நம்பர் தர மாட்டாங்களாம்.., 
ஆனா நம்ம நம்பரை மட்டும் ஊர் பூரா 
குடுத்து வெச்சிடுவாங்களாம்.. 
ரொம்ப வெவரம்..!!! ) 
.
.