சந்தோஷத்துலயே பெரிய சந்தோஷம்.,
அடுத்தவங்கள சந்தோஷப்படுத்தி பார்க்கிறது தான்..!

14 February 2013

பிப்ரவரி 14....!!


இன்னிக்கு பிப்ரவரி 14..

எனக்கு வேற முக்கியமான வேலை
ஒண்ணு இருக்கு.. ஹி., ஹி., ஹி....

எல்லாம் நம்ம ப்ரெண்ட் சுரேஷ்காக
தான்..

இருங்க.. ஒரு சின்ன ப்ளாஷ்பேக்...


ஜனவரி 24-ம் தேதி.. 

என் ப்ரெண்ட் சுரேஷ் என்னை கூப்பிட்டு 
ஒரு போட்டோவ காட்டினான்... 

" இது.....? "

" என்னோட அடுத்த செலக்சன்.. "

" அடுத்ததா.. அப்ப இப்ப இருக்கறது.. " 

" டேய்.. வாழ்க்கையை எஞ்சாய் பண்ணணும்டா.. 
புதுசு புதுசா போயிட்டே இருக்கணும்... "

" இப்பதானே 6 மாசம் முன்னாடி.... "

" ஸ்டாப்.... ஸ்டாப்... அட்வைஸ் பண்ணாதே..!  
பூமி வேகமா சுத்துது.. "

" என்னமோ போ...! " 

நானும் போட்டோவ பார்த்தேன்.. 

" டேய் சூப்பர்..!! ஆனா எதுக்கும் 
ஒண்ணுக்கு ரெண்டு தடவை நல்லா 
விசாரிச்சிக்கோ.. "

" அதெல்லாம் நான் பாத்துக்கறேன்.. 
வர்ற பிப்ரவரி 14 தேதி காலையில 
10 மணிக்கு வந்துடு... நாம ரெண்டு 
பேரும் தான் போறோம்.. "

" நானுமா.... எனக்கு வேலை இருக்குமே..! "

" நான் உன் நண்பன்டா.. எனக்காக இந்த 
சின்ன உதவி பண்ண மாட்டியா..? "

( சென்டிமெண்டா பேசிபுட்டானே...! )

" சரி., சரி வர்றேன்.."

இதோ நானும் இப்ப கிளம்பிட்டேன்.. 

எங்க Plan படி...

நாங்க ரெண்டு பேருமா சேலம் போயி....
இன்னிக்கு தான் மார்கெட்டுக்கு வர்ற 
இந்த புது போனை வாங்க போறோமே...


டாடா... பை., பை...!


11 February 2013

ஒவ்வொரு மனுஷனுக்கும் ஒவ்வொரு பீலிங்..!

அப்ப நான் ப்ளஸ் ஒன் படிச்சிட்டு
இருந்தேன்..

10-வது வரை பாய்ஸ் ஸ்கூலா
இருக்குற எங்க ஸ்கூல்..
+1, +2-ல மட்டும் Co-Ed..

அப்ப எங்க க்ளாஸ்லயும்
14 பொண்ணுங்க படிச்சாங்க..


ஒரு ஆறுமாசம் ஓடியிருக்கும்..

ஒரு நாள் கிரவுண்ட்ல நானும்.,
" பிதோகரஸ் தியரம் புகழ் " ஆனந்தும்
பேசிட்டு இருந்தோம்.

அப்ப எங்க ப்ரண்டு மோகன்
மூச்சு வாங்க ஓடி வந்தான்..

" டேய் உங்களுக்கு விஷயம் தெரியுமா.? "

" என்னடா விஷயம்..? "

" அடுத்த வருஷத்துல இருந்து +1, +2-க்கு
பொண்ணுகளை சேர்த்தறது இல்லன்னு
முடிவு பண்ணி இருக்காங்களாம்டா..! "

இதை கேட்டதும் ஆனந்த் ஷாக் ஆகி....

" யார்ரா இப்படி முடிவு பண்ணினது..? "

" எல்லாம் நம்ம மேனேஜ்மெண்ட்தான்.! "

" அடப்பாவிகளா..? "

" பீல் பண்ணாதடா..,  நம்ம க்ளாஸ்ல
பொண்ணுங்க இருக்காங்கல்ல.... "

"  அட ஏன்டா நீ வேற..,  இதை போன வருஷமே
பண்ணியிருந்தா.. க்ளாஸ்ல பொம்பள புள்ளங்க
முன்னால எல்லாம் நாம அடி வாங்கி
அசிங்கப்படாம இருந்திருப்போம்ல..! "

( அட ஆமால்ல...!!! ஹி., ஹி., ஹி...! )

ஒவ்வொரு மனுஷனுக்கும்
ஒவ்வொரு பீலிங்...!!
.
.

01 February 2013

ஹே... யார் கிட்ட...!

தீபாவளிக்கு முந்தின நாள் சர்வீஸ்க்கு 
போன என் சிஸ்டம் சரியாகி இப்ப வரும்., 
அப்ப வரும்னு நானும் காத்து கிடந்தது 
தான் மிச்சம்..

எப்ப போன் பண்ணி கேட்டாலும்..

" சனிக்கிழமை ஆபீஸ் லீவு..."

" சர்வீஸ் இன்ஜினியர் டூர் போயிருக்கார்ங்க.."

" Board சென்னை போயிருக்கு.. "

" Board வந்துடுச்சி., ஆனா O.S போடணும்.. "

" Fan சுத்தலை.. புதுசு மாத்தணும்... "

" சிஸ்டம் அடிக்கடி OFF ஆகுது 
SMPS Complaint.. "

இப்படி தினமும் எதாச்சும் சொல்லிட்டு 
இருந்தாங்களே தவிர.., என் சிஸ்டமை 
கண்ணுலயே காட்டலை.. 

கிட்டதட்ட 75 நாள் ஆகிடுச்சு.. 

ஒரு நாள் மதியம் சாப்பிட்டுட்டு 
சேர்ல சாஞ்சிட்டு யோசிச்சிட்டு இருந்தேன்.. 

'டக்'-னு எனக்கு அந்த விஷயம் தோணுச்சி..

ஒருவேளை அப்படி இருக்குமோ..? 

உடனே வண்டியை எடுத்துட்டு சர்வீஸ் 
சென்டர் போனேன்..



" டேய் தம்பி... எனக்கு தெரிஞ்சி போச்சு..
என் வளர்ச்சி பிடிக்காத யாரோ தான்
உனக்கு லஞ்சம் குடுத்து எனக்கு சிஸ்டம்
சரிபண்ணி குடுக்க வேணாம்னு சொல்லி
இருக்காங்க...! "

" அப்படி எல்லாம் ஒண்ணும் இல்லண்ணா...
Board மறுபடியும் ப்ராப்ளம் பண்ணுது..
சென்னைக்கு அனுப்பி இருக்கேன்.. "

" நீ சொல்றதை எல்லாம் நம்ப என்னை
என்ன கேணப்பையன்னு நினைச்சியா..? "

" இதுவரைக்கும் நான் அப்படி நினைச்சதே
இல்லண்ணா... "

" அப்ப மரியாதையா உண்மையை சொல்லு...
எனக்கு சிஸ்டம் தராம இருக்க உனக்கு
லஞ்சம் குடுத்தது யாரு...?

ஒபாமாவா..? இல்ல பில்கேட்ஸா..? "

" ????!!?!!!!!?!!? "

இதை கேட்டுட்டு அவன் கதறி கதறி
அழுதான்.. ( செஞ்ச தப்பை நினைச்சி
பீல் பண்றான் போல.. )

அந்த பயம் இருக்கோணும்.. யார்கிட்ட..