சந்தோஷத்துலயே பெரிய சந்தோஷம்.,
அடுத்தவங்கள சந்தோஷப்படுத்தி பார்க்கிறது தான்..!

27 November 2013

" சச்சின் " - ஒரு சின்ன Intro...!!



நேத்து என் ப்ரெண்ட் சுரேஷ்
மெடிக்கல்ஸ்ல நானும், அவனும்
கிரிக்கெட் பத்தி பேசிட்டு இருந்தோம்..

பேச்சு சூடு பிடிச்சு., கார சாரமா
போயிட்டு இருந்தது..

பக்கத்துல ஒரு மெடிக்கல் ரெப் வேற
இருந்தாரு... நாங்க பேசறதை
சுவாரசியமா கேட்டுட்டு இருந்தாரு..

ஒரு கட்டத்துல நான்...

" ஹே.. கிரிக்கெட்ல நீதான் பெரிய ஆளுன்னு
அலட்டிக்காதே.. உனக்கு சச்சினை Introduce
பண்ணி வெச்சது யாரு..? அது ஞாபகம்
இருக்குல்ல...!! "

இதை கேட்டதும் அந்த ரெப் ஷாக் ஆகிட்டார்...

" என்ன சார் சொல்றீங்க..? நிஜமா..? "

" நிஜமா இல்லையானு அவனையே
கேளுங்கனு " சுரேஷை கை காட்டினேன்..

அவனும் " ஆமாம் " தலை ஆட்டினான்..

இப்ப அந்த ரெப்க்கு என் மேல மரியாதை
பல மடங்கு கூடி போயிருந்தது அவர்
முகத்துல தெரிஞ்சது..

அவர் என்கிட்ட ரொம்ப பவ்யமா..

" சார்.., சார்.., எப்ப சார் சச்சினை பாத்தீங்க..?
எப்படி Introduce பண்ணுனீங்க..?!! "

" அது வந்து... 1989-னு நினைக்கிறேன்..
ரஞ்சி டிராபி மேட்ச்... "

" ம்ம்..!! "

" நாங்க டிவில மேட்ச் பாத்துட்டு
இருக்கும் போது சொன்னேன்...

இவர் தான்டா சச்சின்..! "

ஆமா இப்ப நான் என்ன தப்பா
சொல்லிட்டேன்.. எதுக்கு அந்த ரெப்
என்னை அப்படி முறைக்கறான்..?!!
.
.

2 Comments:

திண்டுக்கல் தனபாலன் said...

ஹா... ஹா.... உங்க அலும்பே தனி...

s suresh said...

நல்லாவே காமெடி பண்றேள்! ஹாஹா!