சந்தோஷத்துலயே பெரிய சந்தோஷம்.,
அடுத்தவங்கள சந்தோஷப்படுத்தி பார்க்கிறது தான்..!

30 October 2013

தீபா ' வலி ' பர்சேஸ் - 2

டிஸ்கி : இது போன போஸ்டோட 
தொடர்ச்சி...

நானும் என் Wife-ம் " சென்னை சிஸ்க்ஸ் "
உள்ளே போனோம்..

அரைமணி நேரத்துல ஒருவழியா
ஒரு சேலை செலக்ட் பண்ணிட்டாங்க..

900 ரூபா..

" ஒண்ணு போதுமா..? "

" இல்ல இன்னொண்ணு எடுக்கணும்ங்க..!! "

" சரி எடுத்துக்க,,,, "

" அப்ப வாங்க வேற கடைக்கு போலாம்..! "

" ஒரு சேலைக்காக வேற கடை போகணுமா..?
இங்கேயே எடுத்துக்க..!! "

இதை கேட்டதும் என் Wife ஷாக் ஆகிட்டாங்க...

" ஆமா.. இப்ப எதுக்கு நீ இப்படி ஷாக்
ஆகுற..? "

" பின்ன...?! என்னாங்க இது கெட்ட பழக்கம்..?
ஒரே கடையில ரெண்டு சேலை எடுக்கறது..?!! "

" அடிப்பாவி... இதெல்லாம் இப்ப கெட்ட
பழக்கமா...?!! "

" இல்லியா பின்ன..? அப்ப எப்படி மத்த
கடையை எல்லாம் சுத்தி பார்க்குறதாம்..? "

" அதெல்லாம் முடியாது இங்கேயே எடு...!! "

" அப்படின்னா எனக்கு அந்த சேலையை
வாங்கி குடுங்க.. "

ஒரு சேலையை கையை காட்டினாங்க...

நானும் அதை உத்து பார்த்தேன்...

அடங்கொன்னியா... என்னடா இது
இத்தனை சைபர் போட்டு இருக்குது..
எனக்கு வேற ரெண்டு லட்சத்துக்கு மேல
எண்ண தெரியாதே..






அப்படியே சிரிச்சிகிட்டே
( வழிஞ்சிகிட்டேன்னு வெச்சிக்கலாம்.. )

" ஹி., ஹி., என்ன நிர்மலா இதை போய்
கேக்கற..? கொஞ்சம் காஸ்ட்லியா பாரும்மா...!! "

" ம்ம்க்கும்... இந்த டயலாக்குக்கு ஒண்ணும்
கொறைச்சல் இல்ல.... "

" ஹி., ஹி., ஹி...!! "

( நான் என் பர்ஸ்சை தொட்டு பாத்துகிட்டேன்..
அதுல இருந்த 2,147 ரூபா அப்படியே தான்
இருந்தது.. )

.
.

3 Comments:

திண்டுக்கல் தனபாலன் said...

ஹி., ஹி., ஹி...!!

santhosh said...

ஹய்யோ ...ஹய்யோ ....

sellvaraj.blogspot.com said...

same to u anna! enakkum 2 laksham ku mela yenna theriyathu!!!!!