" அந்தர் பல்டி " ஐயா..!!

டிஸ்கி : இந்த பதிவில் இருக்கறது எல்லாம்
கடந்த 5 ஆண்டுகளாக திரு.ராமதாஸ் ஐயாவின்
வரலாற்று சிறப்புமிக்க., தஞ்சாவூர் கல்வெட்டில்
பதித்து பாதுகாக்க வேண்டிய உளறல்கள்..
சே.. உரைகள்..!!

திமுக அரசின் செயல்பாடுகள் படுதோல்வி
அடைந்துவிட்டன. 'தேர்வு பெறவில்லை'

முதல்வர் உச்சநீதிமன்ற கண்டனத் துக்கு
ஆளான விவகாரம் அரசின் நிர்வாக சீர்கேடு
சம்பந்தப்பட்டதாகும். இது தமிழகத்திற்கும்,
தமிழர்களுக்கும் பெரும் அவமானமாகும்.

முதல்வர் கருணாநிதி இந்த இரண்டரை ஆண்டுகாலத்தில்
சினிமா பார்ப்பதிலும், சின்ன சின்ன சினிமா விழாக்களை
பலமணி நேரம் அமர்ந்து கண்டு களிப்பதிலும் பொழுதைக்
கழித்திருக்கிறார்.

கோட்டையில் கோப்புகள் ஒரு லட்சத்துக்கும் மேலாக
தேங்கிக் கிடப்பதாக என்னிடம் ஒரு அதிகாரி தெரிவித்தார்.

அமைச்சர்கள் சென்னையில் இருந்தாலும்,
கோட்டைக்கு செல்வதில்லை. கோட்டைக்கு
சென்றாலும் கோப்புகள் பார்ப்பதில்லை.

திராவிடக்கட்சிகளின் ஆட்சியில் குறிப்பாக
கருணாநிதியின் ஆட்சியில் மண்ணையும்,
நீர் உரிமையையும் இழந்து நிற்கிறோம்.

எந்த மாநிலத்தினுடனான பிரச்சனையிலும்
தமிழகத்தின் உரிமையை கருணாநிதி
நிலைநாட்டியது கிடையாது.

இத்தனை அமைச்சர்களை வைத்துக் கொண்டு
அரசு திறம்பட செயல்பட வில்லை.

ஆட்சியைத் தக்கவைக்க, காங்கிரசின் தயவு
வேண்டும் என்பதால், இலங்கைத் தமிழர்களுக்கு
கருணாநிதி துரோகம் செய்துவிட்டார்.

தி.மு.க-தான் எங்களது முதல் எதிரி.

இலவசங்களை காட்டி இனியும் திமுகவால்
மக்களை ஏமாற்ற முடியாது, எத்தனை கோடி
செலவு செய்தாலும் இந்த தேர்தலில் மக்கள்
தெளிவாக நல்ல தீர்ப்பை வழங்குவார்கள்.

குடிசை மாற்று வாரியம் என்பது, குடிசைகளை
ஒழித்து, அவர்களுக்கு அடுக்குமாடி குடியிருப்புகள்
கட்டுவதற்காக, 1967ம் ஆண்டு தி.மு.க., அரசால்
உருவாக்கப்பட்டது. ஆனால், சென்னை இன்னமும்
குடிசைகளின் நகரமாகத் தான் இருக்கிறது.

5 தொகுதிகளுக்கு நடைபெறும் இடைத் தேர்தலில்
திமுக கூட்டணி இப்போதே வெற்றி பெற்றதாக
அறிவிக்கலாம். அந்த அளவுக்கு முறைகேடுகள்
நடப்பது உறுதி

மக்கள் சக்தி முழுமையாக அதிமுக கூட்டணிக்கு
உள்ளதால் நாங்கள் 40 தொகுதிகளிலும் வெற்றி
பெறுவோம். இது ஹேஸ்யமோ, ஜோதிடமோ அல்ல.
மக்களின் மனநிலையை அறிந்து சொல்கிறேன்.

லோக்சபா தேர்தலில் அ.தி.மு.க., கூட்டணி,
40க்கு, 40 தொகுதிகளிலும் மாபெரும் வெற்றி பெறும்.
தேர்தல் முடிந்ததும், தமிழக அரசியலிலும்,
தி.மு.க., ஆட்சியிலும் மிகப் பெரிய மாற்றம் ஏற்படும்

வாக்காளர்களுக்கு இலவச வேட்டி, சேலை
வினியோகிக்கும்போது தி.மு.க.,வினர் கையும்,
களவுமாக பிடிக்கப்பட்டுள்ளனர். அப்படியும்
அவர்கள் மீது போலீசார் நடவடிக்கை எடுக்க மறுக்கின்றனர்.

பஸ் கட்டணக் குறைப்பு என்பது, இதற்கு முன்
கேள்விப்பட்டிராதது. லோக்சபா தேர்தலை ஒட்டி
இந்த நடவடிக்கையை எடுத்துள்ள முதல்வர் கருணாநிதியும்,
போக்குவரத்து அமைச்சர் நேருவும் தங்கள் பதவியை
ராஜினாமா செய்ய வேண்டும்.

வரும் 2011ல் ஆட்சி அமைப்போம் என நாங்கள்
கோஷம் எழுப்பியதால், பயந்து, கடந்த லோக்சபா
தேர்தலில் தி.மு.க.,வும், - அ.தி.மு.க.,வும் ரகசிய கூட்டணி
அமைத்து, நாங்கள் போட்டியிட்ட ஏழு இடங்களிலும்
எங்களை தோற்கடித்தனர்.

தி.மு.க.வும் பல்வேறு கட்சிகளுடன் மாறி மாறி
கூட்டணி வைத்துள்ளது. அவர்களுக்கு பா.ம.க.வை
பற்றி விமர்சிக்க தகுதி இல்லை.

தமிழகத்தின் அனைத்துத் தரப்பு மக்களாலும்
மதிக்கப்பட்ட பெருந்தலைவர் காமராஜரையே
தரக்குறைவாக விமர்சித்தது திமுக-தான்

முன்னாள் முதல்வர் எம்.ஜி.ஆர். கட்சி தொடங்கிய
போது தமிழர் படை என்ற பெயரில் இங்குள்ள
கேரளத்து மக்களை அடித்துத் துரத்தியதும்,
திமுக செயற்குழுவுக்கு வருகை தந்த
நடிகர் எஸ்.எஸ். ராஜேந்திரனை அடித்துக்
காயப்படுத்தியது திமுக-வினர்தான்

Last.. But Not Least...!!

படி படி என்பவன் நான். ஆனால், உங்களைக்
குடி குடி என்று கெடுத்தது கருணாநிதிதான்

உஷ்..!! இதெல்லாம் போன மாசம்..

இப்புடு ச்சூடு.. இந்த மாசம்..
அந்த அந்தர் பல்டி..

தமிழகம் முழுவதும் தி.மு.க. அணிக்கு
ஆதரவாக அலை வீசத் தொடங்கியுள்ளது.

தி.மு.க. ஆட்சியின் சாதனைகள்
மிகச் சாதாரண மக்களால்கூட பாராட்டப்படுகின்றன.

கலைஞர் எத்தனையோ சாதனைகள் செய்துள்ளார்.
ஜெயலலிதா 2 முறை முதல் அமைச்சராக இருந்தார்.
ஒரு துரும்பை கிள்ளி போட்டதுண்டா?
அவரது ஆட்சியில் வேதனை தான் அதிகம்.

கருணாநிதி சொன்னதையும் செய்வார்.,
சொல்லாததையும் செய்வார். அவரை
6-வது முறையாக முதல்வராக்க
தி.மு.க கூட்டணியை ஆதரியுங்கள்..

( இன்னுமா இந்த ஊர் உங்களை நம்மள நம்புது..?! )

( கலைஞர் : அடுத்த தேர்தல்ல விஜயகாந்த் கூட

கூட்டணி வைக்க போறீங்களாமே..?! )

( உங்களை எல்லாம் பாத்தா..

எனக்கு பாவமா இருக்கு..!! )

ஆட்சி மாற்றம் எப்படி வரும்?
தமிழ்நாட்டு மக்கள் ஏமாளிகள் அல்ல.
அதி புத்திசாலிகள். அரசியல் விழிப்புணர்வு
பெற்றவர்கள் - ராமதாஸ்
.
. Tweet

Share